|
السلام عليكم.. أنا فتاة أبلغ من العمر 24 عاما ما يحزنني ويبكيني هو أني دائما حاسة إني وحيدة وشايفة عدم اهتمام من الجميع سواء والدتي أو والدي أو إخواتي؛ أنا التانية في إخواتي وإحنا أربعة وما فيش حد منا قريّب من التاني كل واحد في حاله؛ أختي الكبيرة مكتوب كتابها وهتسافر لجوزها وأختي الصغيرة أصغر مني بـ10 سنين وأخويا طبعا الوحيد والدلوع وما حدش بيعرف يكلّمه.
المهم أنا بحب أعمل شات وباتكلم عن نفسي لحد بحدود وبأدب وبكل احترام ولا كنت باشغل مايك ولا كام، وأي حد كان يكلمني في حاجات خارجة كنت باعمله أجنور.
المهم اتعرفت على واحد من حوالي 3 شهور مش عارفة دخل عليّ إزاي ولا عمل فيّ إيه، قال لي هغيّرك هحسسك بنفسك، المهم صدقته وبدأ معايا واحدة واحدة لحد ما بدأ يمارس الجنس معايا في التليفون وعلمني الكذب وبعدت عن ربنا ومش بقيت أصلي زي الأول وكل ما أبعد يهددني وأرجع له تاني، وهو بيقول إنه بيحبني بس أنا مش بحبه ومش عارفة باعمل معاه كده ليه، مش باقدر أقول له لأ!! هو يعرف عني كل حاجة ومش عارفة أقول له إزاي يبعد عني ويسيبني في حالي. أنا مش ليّ أصدقاء ولا باخرج من البيت خالص ولا لينا قرايب ممكن نروح نزورهم ولا حاجة خالص، كنت في الدراسة مشغولة بدراستي وبس كنت من الكلية للبيت والكلية كانت في نفس البلد علشان كده ما حدش كان مرتبط بيّ يعني علشان المواصلات وكده حاسة إني باكره نفسي أوي، أنا محدودة الجمال ومش بحب نفسي والشباب اللي باكلمهم على النت كلهم بيقولوا بحبك وعاوز أتجوّزك، لما بجد حسيت إني ضايعة وتايهة.
وفي البيت، ما حدش بيقول لي إنتِ بتعملي إيه ولا ده ممنوع ولا ده مرفوض، وباكلم شباب على التليفون في حدود برضه لحد دلوقتي بس مجرد إني اتعرفت على الشاب ده، ومابقتش طبيعية؛ بقيت أمارس العادة السرية تقريبا 3 مرات في اليوم وكل يوم، وكل يوم أقول آخر يوم وآخر مرة بس ما فيش فايدة، ومش لاقية حاجة أعملها طول النهار فاضية وفراغ في حياتي مالهوش نهاية..!! محتاجة رأيكم بجد محتاجة مساعدة
|
على حسن
السبت 19 من ديسمبر2009
